Samarqandga «Afrosiyob» poyezdining qo‘shimcha 4ta reysi yo‘lga qo‘yiladi 

Samarqandga "Afrosiyob" poyezdining qo‘shimcha 4ta reysi yo‘lga qo‘yiladi. Bu haqda Transport vazirligi axborot xizmati xabar berdi.

Qayd etilishicha, bu “O‘zbekiston temir yo‘llari” AJ tomonidan yo‘lovchilarga qo‘shimcha qulayliklar yaratish, fuqarolarning bayramni munosib kutib olishi va dam olish kunlari yurtimizning diqqatga sazovor joylariga sayohat qilib, maroqli hordiq chiqarishiga imkoniyat yaratish maqsadida amalga oshirilmoqda.

Xabarda aytilishicha, “Toshkent - Samarqand - Toshkent” yo‘nalishida harakatlanadigan №764/763 - "Afrosiyob" poyezdining qo‘shimcha 4ta reysi yo‘lga qo‘yiladi.

Qo‘shimcha reyslar 2019 yil 30, 31 dekabr hamda 2020 yil 1, 2 yanvar kunlari amalga oshiriladi.