8 yanvardan «Fayzli Toshkent» aksiyasi boshlanadi

8 yanvar kuni poytaxtda “Fayzli Toshkent” aksiyasi start oladi.

Ikki oy davom etadigan mazkur tadbir shahar miqyosida keng ko‘lamli tozalash va obodonlashtirish ishlarini o‘tkazish maqsadida tashkil etilmoqda.

Aksiyada “Maxsustrans” davlat unitar korxonasining yuzlab ishchi-xizmatchilari faol ishtirok etadi hamda korxonaning maxsus texnikalari safarbar etiladi.

Aksiya doirasida Toshkentning 30 ming gektardan ortiq hududi, mavze va dahalardagi qabristonlar, qarovsiz ko‘chalar, ariqlar tozalanishi ko‘zda tutilgan.