Iroq koronavirus sababli Eron bilan chegarasini yopdi
Iroq hukumati Covid-2019 koronavirusi tarqalishi xavotiri ostida Eron bilan chegarasini yopdi. Ushbu qaror Eronda ikki kishi koronavirusdan vafot etgani e'lon qilingandan keyin qabul qilingan.
Bu haqda Reuters axborot agentligi xabar berdi.
Eronda 19 fevralda ikki kishi koronavirusdan vafot etgani ma'lum qilingandi.
Iroq sog‘liqni saqlash vazirligi bunday choraning kiritilishini “ikki davlat o‘rtasida odamlar oqimi yuqoriligi va ularni tekshiruvdan o‘tkazish hamda karantinda saqlashni ko‘zda tutuvchi profilaktik choralarni ta'minlashdagi murakkabliklar” bilan tushuntirgan. Ushbu oqim diniy ziyorat mavsumida bir necha million kishiga yetishi mumkin.
Shu bilan birga, Iroq hukumati Erondan qaytuvchi iroqliklarga chegaralarni yopmaydi. Ular qaytganlaridan keyin ikki hafta karantinda qolishlari kerak bo‘ladi.
Iroq aviakompaniyalari ham Eronga reyslarni to‘xtatdi. Bundan tashqari, Armaniston ham Eron bilan chegarada nazorat kuchaytirilishini e'lon qilgan.
Mavzuga oid
12:01
«Minimal jazo». Eron oliy rahbari Isroil bo‘ylab raketa zarbasini izohladi
21:46 / 05.10.2024
Tramp Isroil Eronning yadroviy obektlariga zarba berishi kerakligini aytdi
21:17 / 05.10.2024
Isroil armiyasi Eronga «jiddiy va salmoqli» javob tayyorlayotganini ma’lum qildi
19:36 / 04.10.2024