Samarqandning yana bir tumanida hokim o‘zgardi

Manbada aytilishicha, Oqdaryo tumanida o‘tkazilgan xalq deputatlari tuman Kengashining navbatdan tashqari sessiyasida Najmiddin Sulaymonov Oqdaryo tumani hokim etib tacdiqlangan. Tayinlov marosimida Samarqand viloyat hokimi Erkinjon Turdimov ham qatnashgan. Ma'lumot uchun, 2018 yildan buyon Feruz Abilov Oqdaryo tumani hokimi lavozimida ishlab kelayotgandi. Xabarda Abilov boshqa ishga o‘tkazilgani aytilgan.

Bugun, 18 aprel kuni Samarqand viloyatining yana bir tumanida hokim o‘zgargan va shu vaqtgacha Markaziy bank Samarqand viloyat bosh boshqarmasi rahbari sifatida ishlab kelgan Qayum Sobirov Jomboy tumani hokimi etib tasdiqlangandi. U o‘z arizasiga ko‘ra vazifasidan ozod etilgan Hamza To‘ychiyevning o‘rnini egalladi.