Qoʻshimcha funksionallar
-
Tungi ko‘rinish
Rishi Kapur vafot etdi
Bollivudlik aktyor Rishi Kapur 68 yoshida Hindistonning Mumbay shahridagi klinikada vafot etdi. NDTV telekanalining payshanba kuni xabar berishicha, aktyorda saraton kasalligi bo‘lgan.
Foto: Getty Images
Rishi Kapur - aktyor va rejissyor Raj Kapurning o‘g‘li. Uni ko‘plab vakillari Bollivudda suratga tushgan Kapurlar oilasining katta avlodidagi so‘nggi yulduz deb atashgan.
Oilada Chintu deb laqab qo‘yilgan Rishi Kapur birinchi jiddiy rolini otasining «Mening ismim Masxaraboz» (Mera Naam Joker, 1970) filmida o‘ynagan, unda sovet aktyorlari, shu jumladan sirk aktyorlari ham rol ijro etgan. Yosh aktyor uchun birinchi katta muvaffaqiyat otasi Raj Kapur rejissyor bo‘lgan «Bobbi» (Bobby, 1973) filmidagi rolidan keyin keldi. O‘shanda Rishi Hindistonda yil aktyori deb tan olingan. Chintu an'anaviy ravishda hind kinosi uchun muhim bo‘lgan romantik sevishganlardan birining rolini o‘ynagan.
Shuningdek, Rishi Kapur «Qasoskor» (Barood, 1976), «Amar, Akbar, Antoni» (Amar, Akbar, Antoni, 1977), «Sevgi kasali» (Prem Rog, 1982), «Chandni» (Chandni, 1989), «Ko‘r muhabbat» (Fanaa, 2006) va boshqa filmlarda suratga tushgan.
Mavzuga oid
10:10 / 04.04.2026
Hindiston O‘zbekistonda bodomzorlar tashkil etadi
15:19 / 02.04.2026
Bir milliarddan ortiq aholi, uch million amaldor, 33 ta savol - Hindistonda aholini ro‘yxatga olish boshlandi
08:30 / 02.04.2026
Dunyoda eng ko‘p kamera o‘rnatilgan shaharlar reytingi
17:57 / 01.04.2026