KLM aviakompaniyasi Yevropa shaharlariga parvozlarni tikladi

Niderlandiyaning KLM aviakompaniyasi Yevropaning ayrim shaharlariga parvozlarni tikladi. Bu haqda The Guardian gazetasi yozmoqda.

Aviakompaniya, xususan, Amsterdamdan Barselona, Madrid, Rim, Milan, Budapesht, Praga, Varshava va Xelsinkiga parvozlarni yana yo‘lga qo‘ydi.

Yo‘lovchilar 11 maydan boshlab niqob taqishlari majburiy bo‘ladi. Yo‘lovchilar samolyotga chiqish vaqtida niqoblari bo‘lmasa, aviakompaniya niqob beradi. Agarda niqoblar tugab qolgan bo‘lsa, yo‘lovchi samolyotga chiqarilmaydi.

Ushbu tartib avgust oxirigacha amal qiladi.

Pandemiya sababli parvozlar to‘xtatilgani bois butun dunyodagi aviakompaniyalar mablag‘ yetishmovchiligiga duch kelmoqda. Avvalroq Niderlandiya hukumati Air France bilan birgalikda Air France - KLM aviakompaniyasini tashkil etuvchi KLM aviakompaniyasiga 2 mlrd yevrodan 4 mlrd yevrogacha moddiy yordam ajratishi haqida xabar qilingandi.