Pokistonda jangarilar fond birjasiga hujum uyushtirdi

29 iyun kuni Pokistonning Karachi shahridagi fond birjasiga jangarilar tomonidan hujum uyushtirildi. Geo News telekanalining xabar berishicha, hujum qilgan to‘rt nafar terrorchining barchasi o‘ldirilgan. Bundan tashqari, to‘rt nafar qo‘riqchi va bir nafar politsiyachi halok bo‘lgan. Ikki kishi jarohatlangan.

Terrorchilar bino ichiga avtomobillar turargohi orqali kirishga uringan. Buning iloji bo‘lmagach, ular o‘t ochishgan va bir nechta granata portlatishgan.

Hozircha hududdagi hech qaysi terrorchi guruh hujum uchun javobgarlikni zimmasiga olmadi.

Pokistonda eng yirik terrorchilik hujumlaridan biri 2016 yil yanvarda sodir bo‘lgandi. O‘shanda bir necha qurolli jangari Chorsadda shahridagi universitet yotoqxonasiga hujum qilgandi. Hujum oqibatida 20 kishi, jumladan, talabalar, o‘qituvchilar, qo‘riqchilar, politsiya xodimi va terrorchilarning o‘zlari halok bo‘lgandi.