Prezident Shavkat Mirziyoyev Matbuot va ommaviy axborot vositalari xodimlari kuni munosabati bilan soha xodimlaridan bir guruhini mukofotlash to‘g‘risidagi farmonni imzoladi.

Farmonda ularning so‘z va matbuot erkinligini rivojlantirish, xalqning axborot sohasidagi konstitutsiyaviy huquqlarini ta’minlash, davlat va jamiyat boshqaruvida ochiqlik va oshkoralik tamoyillarini mustahkamlashga qo‘shayotgan munosib hissasi e’tirof etilgan.

Mukofotlanganlar quyidagilar:

«Mehnat shuhrati» ordeni bilan

  • Abdullayev Farxod Badalovich - «Sevimli» telekanalining «Eslab, eslab» loyihasi boshlovchisi

  • Kazakbayev Tulkun Muxitdinovich - O‘zbekiston Jurnalistlar uyushmasi a’zosi, yozuvchi va publitsist

  • Qurbonova Aziza Abdusabitovna - Ommaviy axborot vositalari uchun kontent tayyorlash markazining axborot tayyorlash bo‘limi yetakchi mutaxassisi

  • Soliyeva Azizaxon Turg‘unovna - Buvayda tumani «Buvayda ko‘zgusi» gazetasi bosh muharriri, Farg‘ona viloyati

«Do‘stlik» ordeni bilan

  • Atabekova Zuxri - ijtimoiy tarmoqlardagi «Zuhra_buvi» sahifasi asoschisi, bloger

  • Biryukov Valeriy Vasilevich - «TASS» axborot agentligining O‘zbekistondagi muxbiri

  • Mustakimov Rim Munirovich - «Zarafshon» va «Samarkandskiy vestnik» gazetalari tahririyati katta musahhihi, Samarqand viloyati

  • Naxanov Jaxongir Atayarovich - «Ishonch» va «Ishonch-Doveriye» gazetalari bosh muharriri o‘rinbosari

  • Suvonov Lutfulla Xayrullayevich - «Yangi O‘zbekiston» gazetasi tahririyatining ijtimoiy-siyosiy hayot va huquq bo‘limi katta muxbiri 

  • Tulegenov Sharafitdin Bakirovich - O‘zbekiston Milliy teleradiokompaniyasining «O‘zbekiston 24» radiokanali xalqaro tahliliy dasturlar guruhi muallif-sharhlovchisi

  • Shirmuxamedov Dilshod Sagdullayevich - O‘zbekiston Milliy teleradiokompaniyasining «O‘zbekiston 24» ijodiy birlashmasi teleoperatori