Lukashenko Belarus hukumati uchun eng asosiy muammo nima ekanligini aytdi

Aleksandr Lukashenko korxonalarning ish tashlashlarini izohlar ekan, asosan xususiy korxonalar «qimirlay» boshlaganini aytdi va ularga davlat korxonalari bilan teng sharoitlar berishni taklif qildi. 

Agar Belarus iqtisodiyoti bilan bog‘liq muammolar hal qilinmasa, mamlakatda na mafkura, na xavfsizlik bo‘ladi. Bu haqda respublika prezidenti Aleksandr Lukashenko ma'lum qildi.

«Doim aytganman va yana bir marta eslatib o‘tmoqchiman, bizning asosiy vazifamiz, asosiy muammomiz, asosiy xavotirimiz  — bu iqtisodiyot. Iqtisodiyot bo‘lsa – qolgan hamma narsa bo‘ladi. Iqtisodiyot bo‘lmasa – unda mamlakatda na mafkura, na xavfsizlik, na tinchlik va boshqasi bo‘ladi», — dedi Lukashenko.

Lukashenko korxonalarning ish tashlashlarini izohlar ekan, asosan xususiy korxonalar «qimirlay» boshlaganini aytdi va ularga davlat korxonalari bilan teng sharoitlar berishni taklif qildi. 

Mamlakatga 26 yildan buyon prezidentlik qilib kelayotgan Lukashenko prezident saylovida oltinchi bor nomzodini ilgari surdi.

Markaziy saylov komissiyasi ma'lumotiga ko‘ra, 80,1 foiz to‘plab prezidentlikka saylandi.

Saylov bo‘lib o‘tgan 9 avgustdan buyon Belarusda norozilik namoyishlari bo‘lib o‘tmoqda.