Qoʻshimcha funksionallar
-
Tungi ko‘rinish
Hindistonda dafn marosimi vaqtida 21 kishi halok bo‘ldi
Hindistonning Muradnagar shahrida (Uttar-Pradesh shtati) dafn marosimiga kelgan 21 kishi krematoriy tomi qulashi oqibatida halok bo‘ldi.
Foto: AFP
The Times of India nashrining xabar berishicha, voqea yomg‘ir vaqtida yuz bergan. Dafn marosimiga kelgan odamlar yomg‘irdan qochib, krematoriy tomi ostiga to‘planishganda, u qulab tushgan.
Vayronalar ostida o‘nlab odamlar qolib ketgan. Qutqaruvchilar 38 kishini chiqarib olishga muvaffaq bo‘lishgan. Mahalliy politsiyachilar va o‘t o‘chirish qismlari xodimlari qidiruv-qutqaruv ishlarini davom ettirishmoqda.
Hindiston prezidenti Ram Natx Kovind va bosh vazir Narendra Modi fojia yuzasidan o‘z hamdardliklarini bildirishgan. Uttar-Pradesh shtati bosh vaziri Yogi Adityanatx fojia qurbonlari oilalariga 200 ming rupiydan (2,7 ming dollar) moliyaviy yordam ko‘rsatishni buyurgan.
Shuningdek, mahalliy idoralarga voqeani tergov qilish va u bo‘yicha hisobot tayyorlash vazifasi topshirilgan.
Mavzuga oid
15:45 / 04.12.2025
Neft, qurol va geosiyosat. Putin nega Hindistonga davlat tashrifi bilan kelmoqda?
14:15 / 03.12.2025
Hindiston hukumati smartfonlarda o‘chirib bo‘lmaydigan davlat ilovasini joriy etmoqda
19:38 / 24.11.2025
«Zita va Gita» filmidagi bosh rol ijrochisi Dharmendra vafot etdi
19:37 / 22.11.2025