Rossiya bir nechta mamlakatlar bilan aviaqatnovlarni tiklamoqda
Avvalroq O‘zbekiston yetti davlat bilan xalqaro aviareyslar bo‘yicha cheklov muddatini uzaytirgandi.
Rossiya 27 yanvardan Finlyandiya, Vetnam, Hindiston va Qatar bilan aviaqatnovlarni tiklaydi. Bu haqda TASS xabar bermoqda.
Xabarda aytilishicha, bu mamlakatlarga parvozlar Moskvadan haftada bir necha marta - Hanoy (Vetnam), Dehli (Hindiston), Helsinkiga (Finlyandiya) — haftada ikki marta, Dohaga (Qatar) — uch marta amalga oshiriladi. Bundan tashqari, Helsinkiga Sankt-Peterburgdan ham haftada ikki marta qatnov yo‘lga qo‘yiladi.
Qayd etilishicha, mazkur qaror yuqoridagi davlatlardagi epidemiologik vaziyat barqarorlashgani hisobga olingan holda qabul qilingan.
Avvalroq O‘zbekiston yetti davlat bilan xalqaro aviareyslar bo‘yicha cheklov muddatini uzaytirgandi.
Respublika maxsus komissiyasining qarori bilan Buyuk Britaniya, Italiya, Daniya, Avstriya, Avstraliya, Niderlandiya va Janubiy Afrika Respublikasi davlatlarida so‘nggi 14 kun davomida bo‘lgan shaxslar 1 fevralga qadar O‘zbekistonga kiritilmasligi belgilangan.
Mavzuga oid
21:00 / 07.10.2024
Ramzon Qodirov migratsiya siyosatida «o‘rta asr yondashuvlaridan» voz kechishga chaqirdi
20:07 / 07.10.2024
Rossiyada sakkiz nafar general lavozimdan olindi - OAV
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
18:42 / 04.10.2024