AQShda koronavirusga qarshi emlanganlar soni bemorlar sonidan oshdi

Hozirda Shtatlarda kuniga o‘rtacha 1,34 mln atrofida emlash amalga oshirilmoqda.

Foto: Oliver Bunic/Bloomberg

AQShda koronavirusga qarshi emlanganlar soni ushbu infeksiya aniqlanganlar sonidan oshdi. Bu haqda Bloomberg Vaccine Tracker ma'lumot bermoqda.

Qayd etilishicha, bugunga qadar 26,5 mln nafar amerikalik koronavirusga qarshi vaksinaning bir yoki ikki dozasini qabul qilgan.

AQShda vaksinatsiya boshqa mamlakatlardagiga nisbatan tezroq o‘tkazilmoqda. Hozirda Shtatlarda kuniga o‘rtacha 1,34 mln atrofida emlash amalga oshirilmoqda. Vaksinatsiya boshlanganidan beri o‘tgan olti hafta ichida amerikaliklarning qariyb 7,8 foizi bir doza, 1,8 foizi esa ikki doza vaksina bilan emlandi.

Jons Hopkins universitetining ma'lumot berishicha, pandemiya boshlanganidan buyon AQShda koronavirus yuqtirganlar soni 26,2 millionga yetgan, 443 mingdan ortiq kishi vafot etgan.