Seulda uy hayvonlaridan koronavirusga test olinadi

Seul va uning atrofidagi shaharlarda 9 fevraldan uy hayvonlaridan koronavirusga test olish  boshlanadi.  

 Qandaydir simptomlar, masalan, qaltirash, yo‘talish, nafas olishning qiyinlashishi, ko‘z yoki burundan ko‘p suyuqlik kelishi kuzatilgan it va mushuklardan koronavirusga test olinadi.

 Agarda test musbat chiqadigan bo‘lsa, jonivor 14 kunlik karantinga jo‘natiladi. Ammo u karantinni maxsus markazda emas, o‘zi yashaydigan uyda o‘taydi.

 Ma'lumot berilishicha, Janubiy Koreyada yanvarda mushukda koronavirus aniqlangan. Ushbu holat Chinju shahrida qayd etilgan.