Eron koronavirusga qarshi ikkinchi vaksinasini taqdim etdi
Yaqin kunlarda Razi ilmiy-tadqiqot instituti vaksinasini odamlarda sinovdan o‘tkazish boshlanadi.
Eron hukumati koronavirusga qarshi Razi Cov Pars deb nomlangan ikkinchi vaksinasini taqdim etdi. Bu haqda Eron vaksinalar bo‘yicha milliy qo‘mitasi ma'lum qildi, deb xabar bermoqda AFP.
"Yaqin kunlarda, uzog‘i bilan bir haftadan keyin odamlarda sinovdan o‘tkazishni boshlaymiz", - dedi Eron vaksinalar bo‘yicha milliy qo‘mitasi a'zosi Masud Sulaymoniy.
Uning ma'lum qilishicha, Razi Cov Pars deb nomlangan vaksina Razi ilmiy-tadqiqot instituti tomonidan ishlab chiqilgan.
Klinik sinovlarning birinchi bosqichida 18 yoshdan 55 yoshgacha bo‘lgan 13 nafar ko‘ngilli ishtirok etadi.
Xabar qilinishicha, Eron o‘zining birinchi mahalliy vaksinasini dekabr oxirlarida sinovdan o‘tkazishni boshlagan.
Eron sog‘liqni saqlash vazirligi ma'lumotlariga ko‘ra, mamlakatda koronavirus yuqtirish bilan bog‘liq holatlar soni 1,4 millionga yaqinlashgan, 58,5 mingdan ortiq kishi kasallikdan vafot etgan.
Mavzuga oid
18:59 / 26.10.2024
Eron Isroil zarbalariga javob qaytarish huquqidan foydalanadi - TIV
07:56 / 26.10.2024
Isroil armiyasi Erondagi harbiy obektlarga zarba berdi
19:26 / 24.10.2024
The Times: Isroil AQShda maxfiy hujjatlar tarqalib ketgani tufayli Eronga hujumini kechiktirdi
12:00 / 24.10.2024