Do‘stlik tumaniga yangi hokim tayinlandi

Bugun, 16 fevral kuni xalq deputatlari Jizzax viloyati Do‘stlik tuman Kengashining navbatdan tashqari 19-sessiyasi o‘tkazildi. Unda prezident maslahatchisining o‘rinbosari Umar Ismailov va viloyat hokimi Ergash Saliyev ishtirok etdi. 

Sessiyada tashkiliy masala ko‘rildi. Viloyat hokimi Ergash Saliyev tuman hokimi lavozimiga Shavkat To‘rayevich Darvishev nomzodini tavsiya qildi. Deputatlar nomzodni bir ovozdan ma'qulladi.

Shavkat Darvishev tayinlovga qadar viloyat Moliya bosh boshqarmasi rahbari sifatida ishlab kelayotgan edi.

Eslatib o‘tamiz, Do‘stlik tumanining sobiq hokimi Ulug‘bek Uzoqov yanvar oyi oxirida Toshkent viloyati hokimining qishloq va suv xo‘jaligi masalalari bo‘yicha birinchi o‘rinbosari etib tayinlangandi.