Teleshouda qatnashganidan so‘ng Maskning boyligi 20 mlrd dollarga kamaydi
Teleshouda ishtirok etguniga qadar Maskning boyligi 166 mlrd dollar deb baholanayotgandi. U shouda o‘zining biznes-rejalarini mazax qildi va Dogecoin kriptovalutasini firibgarlik deb atadi.
Tesla asoschisi va bosh direktori Ilon Mask NBC telekanalining Saturday Night Live shousida qatnashganidan so‘ng uning boyligi 20 mlrd dollarga kamaydi, deb yozadi Forbes.
9 mayda teleshouda ishtirok etguniga qadar Maskning boyligi 166 mlrd dollar deb baholanayotgandi. U shouda o‘zining biznes-rejalarini mazax qildi va Dogecoin kriptovalutasini firibgarlik deb atadi.
Maskning bu so‘zlari bir sutka ichida kriptovaluta narxining 30 foizdan ortiqroqqa pasayishiga olib keldi. 13 may kuni u Tesla o‘z elektromobillarini bitkoynga sotishni to‘xtatganini e'lon qildi. Buning ortidan eng qimmat kriptovaluta qiymati birdaniga 17 foizga pasaydi.
Shundan keyin Tesla va bitkoyn bilan aloqador boshqa kompaniyalar aksiyalari narxi tusha boshladi. Payshanba oqshomida Tesla aksiyalari narxi 15 foizga pasaydi. Natijada Maskning kompaniyadagi ulushi 20,5 mlrd dollarga - 145,5 mlrd dollargacha kamaydi.
Ekspertlarning fikricha, Maskning oxirgi bayonotlari kriptoinvestorlarni chalg‘itmoqda va Tesla aksiyalari narxi o‘ynashiga olib kelmoqda.
Mavzuga oid
18:45 / 20.10.2024
Mask AQSh prezidentlik sayloviga qadar kuniga 1 mln dollarlik lotereyani e’lon qildi
11:00 / 17.10.2024
Ilon Mask Tramp kampaniyasiga 75 mln dollar xayriya qildi
21:35 / 15.10.2024
Maduro Ilon Maskni Venesuelada davlat to‘ntarishiga urinishda aybladi
21:00 / 15.10.2024