AQSh Afg‘onistondan o‘z qo‘shinlarining yarmidan ko‘pini olib chiqdi
AQSh Afg‘onistondan o‘z qo‘shinlarining yarmidan ko‘pini olib chiqdi. Bu haqda AQSh qurolli kuchlarining markaziy qo‘mondonligi (CENTCOM) ma'lum qildi.
Qo‘mondonlikda ta'kidlanishicha, qo‘shinlar olib chiqilishi boshlangandan beri Afg‘onistondan 50dan ko‘proq aviareys amalga oshirilgan.
Bundan tashqari, deyarli 13 ming harbiy mulk ashyolari yo‘q qilish uchun AQSh mudofaa vazirligining ta'minot boshqarmasiga topshirilgan. AQSh, shuningdek, Afg‘oniston mudofaa vazirligi ixtiyoriga 6ta bazani topshirgan. «CENTCOM’ning baholashicha, qo‘shinlar va harbiy texnikani olib chiqish jarayoni 50 foizdan ko‘proqqa bajarilgan», deb aytilgan qo‘mondonlik bayonotida.
Avvalroq AQSh davlat kotibi Entoni Blinken Vashington Afg‘onistondagi vaziyat amerikalik harbiylar olib chiqilgandan keyin yomonlashadi deb o‘ylamayotganini aytgan. Uning ta'kidlashicha, AQSh Afg‘onistonni butunlay tark etmayapti, mamlakatda AQSh elchixonasi faoliyati va amerikaliklar yo‘lga qo‘ygan dasturlar amal qilishi davom etadi.
AQSh aprel oxiridan Afg‘onistondan o‘z qo‘shinlarini olib chiqishni boshlagandi. AQSh prezidenti Jo Bayden qo‘shinlar Afg‘onistondan 11 sentyabrgacha to‘liq olib chiqilishini aytgan. Biroq ekspertlarning ta'kidlashicha, bu jarayon ancha avval yakunlanishi mumkin.
Mavzuga oid
18:45 / 20.10.2024
Mask AQSh prezidentlik sayloviga qadar kuniga 1 mln dollarlik lotereyani e’lon qildi
14:21 / 20.10.2024
AQShga qochgan diplomat: okean ortidan siyosiy boshpana so‘ragan sovet amaldori
22:30 / 19.10.2024
AQSh Ukrainani NATOga taklif qilishga tayyor - OAV
22:01 / 18.10.2024