Kanada xorijliklarning mamlakatga kirishiga qo‘yilgan taqiqni bir oyga uzaytirdi

Kanada xorijliklarning mamlakatga kirishiga qo‘yilgan taqiqni 21 iyulga qadar uzaytirdi. Bu haqda Kanada chegara xizmati xabar berdi.

"Kanada va boshqa mamlakatlar o‘rtasida erkin sayohatlarni amalga oshirishga qo‘yilgan cheklovlarning amal qilish muddati 21 iyulga qadar uzaytiriladi", - deyiladi xabarda.

Qayd etilishicha, AQSh ushbu cheklovlardan mustasno.

Kanadadagi qoidalarga binoan, mamlakatga kirib kelayotgan barchadan koronavirusga manfiy test hamda karantin o‘tash talab qilinadi.

Mamlakatda koronavirus yuqtirganlar soni 1,4 milliondan oshgan, 26 mingga yaqin bemor vafot etgan.