Канада хорижликларнинг мамлакатга киришига қўйилган тақиқни бир ойга узайтирди

Қайд этилишича, АҚШ ушбу чекловлардан мустасно.

Канада хорижликларнинг мамлакатга киришига қўйилган тақиқни 21 июлга қадар узайтирди. Бу ҳақда Канада чегара хизмати хабар берди.

"Канада ва бошқа мамлакатлар ўртасида эркин саёҳатларни амалга оширишга қўйилган чекловларнинг амал қилиш муддати 21 июлга қадар узайтирилади", - дейилади хабарда.

Қайд этилишича, АҚШ ушбу чекловлардан мустасно.

Канададаги қоидаларга биноан, мамлакатга кириб келаётган барчадан коронавирусга манфий тест ҳамда карантин ўташ талаб қилинади.

Мамлакатда коронавирус юқтирганлар сони 1,4 миллиондан ошган, 26 мингга яқин бемор вафот этган.