Qazzofiyning samolyoti Liviyaga qaytarildi

Liviya sobiq yetakchisi Muammor Qazzofiyning samolyoti sakkiz yildan so‘ng mamlakatga qaytarildi. U bu vaqt davomida texnik xizmat ko‘rsatishda bo‘ldi, deb yozadi Libya Observer nashri.

Airbus (A340-213) samolyoti 2012 yil avgustdan buyon Fransiyada edi, qaytarishdan oldin esa Turkiyaga jo‘natildi – bu yerda texnik xizmat ko‘rsatishning yakuniy bosqichi amalga oshirildi.

Layner 20 iyun kuni Liviyaga qaytarildi. Mamlakat bosh vaziri Abdulhamid Bdeybaning so‘zlariga ko‘ra, Qazzofiy hukumati ag‘darilganidan so‘ng Fransiya moliyaviy va ma'muriy muammolarni ro‘kach qilib, samolyotni olib qo‘ygan. Endilikda Liviya hukumati texnik xizmat haqini to‘liq to‘lagan.

Dbeyba samolyotning qaytarilishi Liviya suvereniteti uchun muhimligini ta'kidladi hamda yana 15ta musodara qilingan kemani ham qaytarishga va'da berdi.