Turkiyada samolyot qulashi oqibatida besh nafar rossiyalik harbiy halok bo‘ldi

Be-200 samolyoti Qahramonmarash viloyatida halokatga uchragan. U o‘rmon yong‘inini o‘chirishda ishtirok etayotgan bo‘lgan.

Foto: Anadolu Agency

Turkiyada Be-200 samolyoti halokatga uchrashi oqibatida besh nafar Rossiya va uch nafar Turkiya fuqarosi halok bo‘ldi. Bu haqda Rossiya mudofaa vazirligi xabar berdi.

«Turkiyada Be-200 samolyoti halokatga uchrashi oqibatida yong‘inga qarshi kurashayotgan besh nafar rossiyalik harbiy xizmatchi va uch nafar Turkiya fuqarosi halok bo‘ldi», — deyiladi xabarda.

Xabarda aytilishicha, Be-200 samolyoti Qahramonmarash viloyatida halokatga uchragan. U o‘rmon yong‘inini o‘chirishda ishtirok etayotgan bo‘lgan.

Hurriyet gazetasining yozishicha, samolyot tog‘da qulab tushgan. Turkiya o‘rmon xo‘jaligi boshqarmasining bildirishicha, havo kemasi o‘rmon yong‘inlarini o‘chirish uchun Rossiyadan ijaraga olingan.