O‘zbekiston aholisi 35 millionga yetdi

Statistika qo‘mitasi O‘zbekiston aholisi 35 millionga yetganini ma'lum qildi.

Stat.uz ma'lumotlariga ko‘ra, 7 sentyabr holatiga O‘zbekiston aholisi 35 millionni tashkil qilmoqda.

Erkaklar 17570079, ayollar esa 17430079 nafarga teng.

2021 yilning aprel oyida O‘zbekiston aholisi joriy yilda 35 millionga yetishi ma'lum qilingandi. Yil boshidan buyon doimiy aholi soni kuniga o‘rtacha 1,5 ming kishiga ko‘paymoqda (2020 yilning har bir kunida doimiy aholi soni o‘rtacha 1,8 ming kishiga oshgan).

2021 yilning 1 yanvar holatiga ko‘ra, respublikaning doimiy aholisi soni 34,5 mln kishini tashkil etgandi. Yilning 9 oyida aholi 500 mingga ko‘paygan.

Taqqoslash uchun, 2020 yilning 12 oyida O‘zbekiston aholisi 653,7 ming kishiga ko‘paygandi.

#aholi