Forbes Amerikaning eng boy insonlari ro‘yxatini e'lon qildi

Forbes jurnali AQShning eng boy 400 nafar milliarderi ro‘yxatini e'lon qildi.

Amazon asoschisi Jyeff Bezos to‘rtinchi bor Amerikaning eng boy kishisi deb topildi. Nashr uning boyligini 201 mlrd dollar deb baholadi.

Tesla va SpaceX asoschisi Ilon Mask 190,5 mlrd dollar bilan ikkinchi o‘ringa joylashdi. 

Uchinchi o‘rinni 134,5 mlrd dollar bilan Facebook rahbari Mark Tsukerberg egalladi.

Ro‘yxatdan 44 nafar yangi milliarder joy oldi. Ular orasida eng boyi 29 yoshli tadbirkor Sem Bankman-Frid bo‘lib, Forbes USA uning boyligini 22,5 mlrd dollar deb baholadi. Bankman-Frid ro‘yxatning eng yosh ishtirokchisi hisoblanadi.