Forbes Американинг энг бой инсонлари рўйхатини эълон қилди

Amazon асосчиси Жефф Безос тўртинчи бор Американинг энг бой кишиси деб топилди.

Фото: Joe Raedle / Getty Images

Forbes журнали АҚШнинг энг бой 400 нафар миллиардери рўйхатини эълон қилди.

Amazon асосчиси Жефф Безос тўртинчи бор Американинг энг бой кишиси деб топилди. Нашр унинг бойлигини 201 млрд доллар деб баҳолади.

Tesla ва SpaceX асосчиси Илон Маск 190,5 млрд доллар билан иккинчи ўринга жойлашди.

Учинчи ўринни 134,5 млрд доллар билан Facebook раҳбари Марк Цукерберг эгаллади.

Рўйхатдан 44 нафар янги миллиардер жой олди. Улар орасида энг бойи 29 ёшли тадбиркор Сэм Банкман-Фрид бўлиб, Forbes USA унинг бойлигини 22,5 млрд доллар деб баҳолади. Банкман-Фрид рўйхатнинг энг ёш иштирокчиси ҳисобланади.