Rossiya NATOdagi doimiy vakolatxonasi faoliyatini to‘xtatishini ma'lum qildi
Oktyabr boshlarida NATO rahbariyati Rossiyaning tashkilotdagi missiyasini ikki baravarga kamaytirishga – sakkiz nafar diplomatni chiqarib yuborish va yana ikkita o‘rinni qisqartirishga qaror qilgandi.
Rossiya NATO huzuridagi doimiy vakolatxonasi faoliyatini to‘xtatadi, deb ma'lum qildi Rossiya tashqi ishlar vaziri Sergey Lavrov.
«NATO harakatlariga javoban NATO huzuridagi doimiy vakolatxonamiz faoliyatini to‘xtatamiz. Menimcha, 1 noyabrdan», — dedi Lavrov.
«Ikkinchidan, NATOning Moskvadagi harbiy missiyasi faoliyatini to‘xtatamiz, 1 noyabrdan uning xodimlari akkreditatsiyasi bekor qilinadi. Uchinchidan, NATOning Moskvadagi axborot byurosi faoliyati to‘xtatiladi», — dedi u.
Lavrovning qayd etishicha, NATO xalqaro kotibiyati Rossiyaning javob choralaridan xabardor qilingan.
Oktyabr boshlarida NATO rahbariyati Rossiyaning tashkilotdagi missiyasini ikki baravarga kamaytirishga – sakkiz nafar diplomatni chiqarib yuborish va yana ikkita o‘rinni qisqartirishga qaror qilgandi.
Sky News telekanalining ma'lumot berishicha, bunga ehtimoliy dushmanlarcha faoliyat sabab bo‘lgan.
Mavzuga oid
23:15 / 27.09.2024
Finlandiya Rossiya bilan chegaraga NATO shtabini joylashtiradi
20:26 / 27.09.2024
Ukraina sudi Alisher Usmonovning qariyb 50 million dollar aktivlarini musodara qildi
18:06 / 27.09.2024
Toshkentdagi maktabda boshlanib vazirlar darajasiga chiqqan mojaro – nimalar bo‘ldi?
12:00 / 27.09.2024