Odam savdosi uchun qidiruvda bo‘lgan o‘zbekistonlik Nur-Sultonda qo‘lga olindi
Odam savdosi uchun davlatlararo qidiruvga berilgan o‘zbekistonlik Qozog‘iston poytaxti Nur-Sultonda qo‘lga olindi. Bu haqda Zakon.kz nashri xabar berdi.
Qozog‘iston ichki ishlar vazirligida ta'kidlanishicha, qidiruvda bo‘lgan erkak 2014 yilda 6 nafar hamyurtiga katta maoshlik ish va'da qilib, ularni Qozog‘istonga olib chiqqan. U Olmaotada erkaklardan pastportlarini olib qo‘yib, ularni boshqa shaxsga topshirib yuborgan. Shundan keyin jabrdiydalar 7 oy davomida og‘ir sharoitlarda ishlashga majbur qilingan.
Ma'lum qilinishicha, erkak 2015 yilda ushbu jinoyati uchun O‘zbekistonda 5 yilga ozodlikdan mahrum etilgan. Biroq 2019 yil sud qarori bilan erkakka chiqarilgan qamoq jazosining o‘talmagan qismi shartli ozod qilish bilan o‘zgartirilgan.
Erkak ozodlikka chiqqach, Qozog‘iston hududida yashiringan va O‘zbekistonda qidiruvga berilgan.
Ayni vaqtda sud qarori bilan erkak hibsga olingan va uning O‘zbekistonga topshirilishi masalasi hal qilinmoqda.
Mavzuga oid
15:55 / 09.10.2024
Toshkentda inson a’zolari oldi-sotdisi bilan shug‘ullangan talaba jinoiy jazoga tortildi
23:53 / 30.09.2024
Ozarboyjonda o‘zbekistonlik harbiylar ishtirokida «Mahorat-2024» qo‘mondonlik-shtab o‘quvlari boshlandi
20:17 / 27.09.2024
Qozog‘istonda o‘zining ichki organlarini qariyb 19 ming dollarga sotmoqchi bo‘lgan shaxs ushlandi
19:53 / 16.09.2024