Fon der Lyayyen vaksinatsiya “omikron” shtammi tarqalgan hozirgi sharoitda muhimligini ta’kidladi.
Foto: AP
Yevroittifoqda bir yil ichida katta yoshli aholining 78 foizi koronavirusga qarshi emlandi. Bu haqda Yevrokomissiya rahbari Ursula fon der Lyayyen ma’lum qildi.
«Bir yil avval shu kunda Yevropada koronavirusga qarshi emlash boshlangandi. Biz uzoq yo‘lni bosib o‘tdik. Hozirda YeIda katta yoshli aholining 78 foizi emlangan», — dedi u.
U vaksinatsiya ayniqsa, «omikron» shtammi tarqalgan hozirgi sharoitda muhimligini ta’kidladi.
Fon der Lyayyenning ishontirishicha, YeI barcha uchun yetadigan vaksina zaxirasiga ega.
