Ukraina Rossiya tomonidan xavf yo‘qligini ma’lum qildi

Ukraina milliy xavfsizlik va mudofaa kengashi kotibi Aleksey Danilov Rossiya tomonidan tahdid yo‘qligini ma’lum qildi, deb yozmoqda «Politika Strani» Telegram-kanali.

«Bugungi kunda chegaralarda katta xavfni ko‘rmayapmiz. Rossiya Federatsiyasi tomonidan ochiq tajovuz xavfini ko‘rmayapmiz», — dedi u.

Uning so‘zlariga ko‘ra, chegarada Rossiya qo‘shinlarining ko‘paytirilishi kuzatilmoqda, lekin bu xavotirli emas. Bu qo‘shinlarning Ukraina chegarasidan 200 kilometr masofada joylashganligi ayrim g‘arb mamlakatlari uchun yangilik bo‘lishi mumkin, deb ta’kidladi Danilov.

U shuningdek, Rossiya Ukrainaga hujum qilishga mutlaqo tayyor emasligini aytdi.

«Damingizni oling, yangi yilni tinchgina nishonlang», — dedi Danilov.