01:11 / 04.01.2022
6308

Qarshida YTHga uchragan Spark’da yong‘in sodir bo‘ldi

Foto: Ijtimoiy tarmoqlar

Qarshi shahrida yo‘l-transport hodisasiga uchragan Spark’da yong‘in sodir bo‘lgan. Bu haqda viloyat Favqulodda vaziyatlar boshqarmasi xabar bermoqda.

Ma’lum qilinishicha, bugun, 2022 yil 3 yanvar kuni soat 21:18 larda Qarshi shahar FVBga Islom Karimov ko‘chasi Vatanparvarlar bog‘i ro‘parasida Spark mashinasida yong‘in sodir bo‘layotgani haqida xabar kelib tushgan.

Shundan so‘ng, voqea joyiga soat 21:20 larda Qarshi shahar FVBdan 1 ta qutqaruv bo‘linmasi yetib borgan. Soat 21:22 larda yong‘in to‘liq o‘chirilgan.

Yong‘in oqibatida Qarshi shahar Shohbekat mahallasida yashovchi, 1975 yilda tug‘ilgan N.O‘. ga tegishli bo‘lgan ushbu mashinaning motor qismi zarar ko‘rgan.

Dastlabki surishtiruvda aniqlanishicha, Spark avval yo‘l-transport hodisasiga uchragan. Keyin yong‘in sodir bo‘lgan. Yong‘inda hech kim tan jarohati olmagan va halok bo‘lmagan.

Qayd etilishicha, holat bo‘yicha tegishli xizmatlar tomonidan surishtiruv ishlari olib borilmoqda.

Qashqadaryoda yuk mashinasi yonib ketdi

Qarshida harakatlanib ketayotgan «Gazel» yuk mashinasida yong‘in sodir bo‘ldi

Mavzuga oid
Top