OAV: AQSh Rossiya nefti importini taqiqlaydi
Ma’lumotlarga ko‘ra, taqiq Rossiya nefti, suyultirilgan gaz va ko‘mirini o‘z ichiga oladi.
AQSh Rossiya neftini import qilishni taqiqlashga qaror qildi, deya o‘z manbalariga tayanib xabar tarqatdi Bloomberg. Agentlikning yozishicha, 8 mart kuni Oq uy bu borada bayonot bilan chiqadi.
Taqiq Rossiya nefti, suyultirilgan gaz va ko‘miriga taalluqli bo‘lishi aytilmoqda.
Rossiyaning Ukrainaga hujumi davom etayotgan ayni vaziyatda Rossiya nefti va gazi AQSh va Yevropa mamlakatlari sanksiyalaridan chetda qolmoqda. Bunga Yevropaning Rossiya gazi va neftiga bog‘liqligi sabab bo‘lmoqda. Kanada hukumati o‘tgan oyda Rossiyaning barcha neft mahsulotlari importiga taqiq qo‘ygan, ammo bu ramziy tusga ega, chunki mamlakat 2019 yildan buyon Rossiyadan neft olmaydi.
Mavzuga oid
12:30
AQSh Su-35'ning Alyaska yaqinidagi «xavfli manyovri»ni tanqid qildi
10:30
BMT: Rossiya ukrainalik asirlarni shafqatsiz qiynoqlarga duchor qilmoqda
08:50
Rossiyada sudlanuvchilarning 40 foizini TIZOdan urushga olib ketish rejalashtirilyapti
23:47 / 01.10.2024