Yunusobodda erkak 9-qavatdan tushib ketgani bo‘yicha ma’lumot berildi
Bosh prokuratura ma’lumotiga ko‘ra, 42 yoshli erkak o‘z joniga qasd qilgan.
Bosh prokuratura Yunusobodda erkak kishi Xalqaro biznes-markaz binosining yuqori qavatidan qulab halok bo‘lgani yuzasidan rasmiy ma’lumot berdi.
Ma’lum qilinishicha, voqea soat 11:50larda ro‘y bergan. Binoning 9-qavatidagi chekish uchun mo‘ljallangan ochiq qismidan 42 yoshli erkak o‘zini pastga tashlab, o‘z joniga qasd qilgan.
“Hozirda holat yuzasidan Yunusobod tuman prokuraturasi tomonidan tekshirish harakatlari olib borilmoqda”, deyiladi xabarda.
Avvalroq, biznes-markaz vakillaridan biri Kun.uz muxbiri bilan suhbatda marhum binoning 15-qavatida joylashgan tashkilotlardan birida faoliyat olib borganini ma’lum qilgandi.
Mavzuga oid
12:20 / 28.09.2024
“Tezligim 80 da edi” – 19 yoshli qizni urib yuborgan haydovchi qamoqqa olindi
22:30 / 27.09.2024
“Uy-joy bozori haliyam yovvoyi holatda” – ekspertlar bilan katta suhbat
19:10 / 27.09.2024
Toshkentda erkak shifokor muolaja paytida ayol mijozini o‘pib olgani uchun jazolandi
16:27 / 27.09.2024