Samarqand va Toshkent o‘rtasida qo‘shimcha poyezdlar qatnovi yo‘lga qo‘yiladi

Samarqand - Toshkent - Samarqand yo‘nalishida qo‘shimcha “Afrosiyob” poyezdlari qatnovi yo‘lga qo‘yiladi. Bu haqda “O‘ztemiryo‘lyo‘lovchi” xabar berdi.

Foto: Kun.uz

Qayd etilishicha, Ramazon hayiti bayrami arafasida yo‘lovchilarga yanada ko‘proq qulaylik yaratish hamda transport xizmatlari ko‘rsatish ko‘lamini oshirish maqsad qilingan.

2022 yil 3, 4, 5 may kunlari Samarqand - Toshkent - Samarqand yo‘nalishida 767/768-sonli “Afrosiyob” yuqori tezlikda harakatlanuvchi zamonaviy poyezdlarining qo‘shimcha qatnovi yo‘lga qo‘yiladi.

Qo‘shimcha ma’lumotni Toshkent shahridagi 1005 qisqa telefon raqami, joylardagi temiryo‘l kassalari hamda ma’lumotlar byurosidan bilib olish mumkin.