Qozog‘iston bug‘doy va un eksportiga cheklov kiritdi

Qayd etilishicha, mamlakat oziq-ovqat xavfsizligini ta’minlash maqsadida ushbu mahsulotlarni olib chiqib ketishga cheklov kiritilgan.

Foto: Aleksandr Kryajyev

Qozog‘istonda 30 sentabrga qadar bug‘doy va javdar hamda bu o‘simliklar unini mamlakatdan olib chiqib ketishga cheklov kiritildi. Bu haqda Tengrinews xabar berdi.

Xabarga ko‘ra, mamlakat qishloq xo‘jaligi vaziri buyrug‘i bilan Qozog‘istondan uchinchi mamlakatlarga va YeOII mamlakatlariga olib chiqib chiqib ketish uchun cheklov bug‘doy va javdarga 550 ming tonna, bug‘doy va javdar uniga 370 ming tonna miqdorida belgilandi.

Cheklov 8 iyuldan kuchga kiradi.

Qayd etilishicha, mamlakat oziq-ovqat xavfsizligini ta’minlash maqsadida ushbu mahsulotlarni olib chiqib ketishga cheklov kiritilgan.

Avvalroq Qozog‘istondan o‘simlik moyi olib chiqishga vaqtinchalik cheklov qo‘yilgandi.