Qozog‘istondan o‘simlik moyi olib chiqishga vaqtinchalik cheklov qo‘yildi

Qozog‘iston hududidan o‘simlik moyi olib chiqishga vaqtinchalik cheklov joriy etildi, deb xabar berdi Tengrinews.kz.

Xabarga ko‘ra, cheklov 2022 yil 18 iyundan 31 avgustgacha amal qiladi.

Qayd etilishicha, cheklovdan maqsad ichki bozordagi narxni barqarorlashtirish va o‘simlik moyi taqchilligi paydo bo‘lishining oldini olishdir.

May oyi o‘rtalarida Qozog‘istondan chetga shakar olib chiqish taqiqlangani xabar qilingandi.