Andijonda 8-sinf o‘quvchisi firibgarlikda gumon qilinmoqda
15 yoshli bola fuqarolarni aldab, pullarini qo‘lga kiritib, pullarni “PUBG” onlayn o‘yiniga tikib kelgani ma’lum bo‘ldi. Bu haqida IIV Kiberxavfsizlik markazi xabar bermoqda.
Farg‘ona viloyatida yashovchi, 1991 yilda tug‘ilgan D.I. ichki ishlar organiga ariza bilan murojaat qilib, firibgar tuzog‘iga tushganini va pullaridan ayrilganini ma’lum qilgan.
Jabrlanuvchining bildirishicha, noma’lum shaxs telegram messenjeri orqali unga “Omad shou” dasturida pul yutug‘ini yutib olgani to‘g‘risida xabar yuborgan. Uning ishonchiga kirib, yutuq pullarini bank plastik kartasiga o‘tkazib berishini aytgan.
O‘z navbatida, fuqaro unga o‘z plastik raqami ma’lumotlarini bergan. Lekin yutuq pullaridan umid qilib o‘tirgan D.I. biroz o‘tib, bor pulidan ham ayrilgan. Plastik kartasidagi bir million so‘mga yaqin pullar yechib olingan.
Olib borilgan tezkor-qidiruv tadbirlari davomida, ushbu jinoyatni Andijon viloyatida yashovchi, 2007 yilda tug‘ilgan 8-sinf o‘quvchisi O.X. sodir etgani aniqlanib, qo‘lga olingan.
O‘rganishlar natijasida O.X. shu usul bilan o‘nlab fuqaroni aldab, pullarini qo‘lga kiritgani, jinoiy yo‘l bilan topgan pullarni esa “PUBG” onlayn o‘yiniga tikib, sarflagani ma’lum bo‘ldi.
Mazkur holat yuzasidan Jinoyat kodeksining 168-moddasi bilan jinoyat ishi qo‘zg‘atilib, tergov harakatlari olib borilgan.
Mavzuga oid
21:11 / 05.10.2024
6 ming soxta iPhone bilan Apple kompaniyasini chuv tushirgan firibgarlar jazolandi
19:38 / 03.10.2024
Humans Pay'da to‘lovlar va o‘tkazmalarni amalga oshirishda nosozliklar kuzatilmoqda
18:42 / 02.10.2024
Toshkent va Samarqandda fuqarolarni pul evaziga xorijga ishga yubormoqchi bo‘lganlar ushlandi
20:24 / 01.10.2024