Yunusobodda «Lada» va «Kobalt» to‘qnashuvi oqibatida bir kishi jarohat oldi

Ijtimoiy tarmoqlarda Toshkent shahar Yunusobod tumanida sodir bo‘lgan yo‘l-transport hodisasi aks etgan videotasvir tarqaldi. Poytaxt IIBB holat yuzasidan rasmiy ma’lumot taqdim etdi.

Joriy yil 27 avgust kuni taxminan soat 00:30 larda Toshkent shahar, Yunusobod tumani, Amir Temur ko‘chasida yo‘l-transport hodisasi sodir bo‘lgan.

Haydovchi, 1999 yilda tug‘ilgan D.M. “Lada” rusumli avtomashinani boshqarib ketayotib, haydovchi, 1998 yilda tug‘ilgan R.G. boshqaruvidagi “Kobalt” rusumli avtomashina bilan to‘qnashuv sodir etgan. 

Yo‘l-transport hodisasi oqibatida "Kobalt" avtomashinasi haydovchisi tan jarohatlari olib, shifoxonaga olib borilgan.

Holat yuzasidan Toshkent shahar IIBB YHXB tomonidan tergovga qadar tekshiruv o‘tkazilmoqda.