Bangladeshning deyarli butun aholisi elektrsiz qoldi

Bangladeshda 140 milliondan ortiq aholi elektr ta’minotisiz qoldi. 

Ma’lum qilinishicha, bunga energiya tizimidagi nosozlik sabab bo‘lgan. 

Avariya mamlakatning shimoli-g‘arbiy regionlaridan tashqari butun hududiga ta’sir qildi. 

«Bangladesh energetikani rivojlantirish kengashi vakillari mamlakatning sharqiy qismida elektr ta’minotida uzilish ro‘y berganini ma’lum qildi. Barcha elektr stansiyalari faoliyati to‘xtadi, poytaxt Dakka va boshqa yirik shaharlar elektrsiz qoldi»,— deb xabar berdi Al jazeera. 

Yozda Bangladeshda energetika inqirozi sababli yonilg‘i narxi rekord darajada ko‘tarilgan va hukumatga qarshi namoyishlar bo‘lib o‘tgandi.