Бангладешнинг деярли бутун аҳолиси электрсиз қолди

Маълум қилинишича, мамлакатнинг шарқий қисмида электр таъминотида узилиш рўй берган.

Фото: Mahmud Hossain Opu/AP

Бангладешда 140 миллиондан ортиқ аҳоли электр таъминотисиз қолди.

Маълум қилинишича, бунга энергия тизимидаги носозлик сабаб бўлган.

Авария мамлакатнинг шимоли-ғарбий регионларидан ташқари бутун ҳудудига таъсир қилди.

«Бангладеш энергетикани ривожлантириш кенгаши вакиллари мамлакатнинг шарқий қисмида электр таъминотида узилиш рўй берганини маълум қилди. Барча электр станциялари фаолияти тўхтади, пойтахт Дакка ва бошқа йирик шаҳарлар электрсиз қолди»,— деб хабар берди Al jazeera.

Ёзда Бангладешда энергетика инқирози сабабли ёнилғи нархи рекорд даражада кўтарилган ва ҳукуматга қарши намойишлар бўлиб ўтганди.