O‘zbekiston va Chexiya mudofaa sohasida hamkorlikni kengaytiradi

O‘zbekiston Tashqi ishlar vazirligida Chexiya elchisi Vatslav Yilek bilan uchrashuv bo‘lib o‘tdi, deb xabar bermoqda «Dunyo».

Foto: Dunyo

Muloqot chog‘ida ikki tomonlama munosabatlarga oid masalalar va yaqin kelajakda rejalashtirilgan qo‘shma tadbirlar muhokama qilindi.

Tomonlar 2023 yil birinchi yarmida siyosiy maslahatlashuvlar navbatdagi raundi va Iqtisodiy, sanoat va ilmiy-texnikaviy hamkorlik bo‘yicha hukumatlararo komissiya 9-yig‘ilishini tayyorlash bo‘yicha kelishuvga erishdi.

Tomonlar o‘zaro manfaatli aloqalarni mustahkamlash, siyosiy, savdo-iqtisodiy va madaniy-gumanitar sohalardagi hamkorlikni faollashtirish muhimligini qayd etdi.

Uchrashuv natijasida turli yo‘nalishlarda, jumladan, sport, ommaviy axborot vositalari va mudofaa sohalarida hamkorlikni kengaytirish bo‘yicha kelishuvga erishildi.