Ўзбекистон ва Чехия мудофаа соҳасида ҳамкорликни кенгайтиради

Ўзбекистон Ташқи ишлар вазирлигида Чехия элчиси Вацлав Йилек билан учрашув бўлиб ўтди, деб хабар бермоқда «Дунё».

Фото: Dunyo

Мулоқот чоғида икки томонлама муносабатларга оид масалалар ва яқин келажакда режалаштирилган қўшма тадбирлар муҳокама қилинди.

Томонлар 2023 йил биринчи ярмида сиёсий маслаҳатлашувлар навбатдаги раунди ва Иқтисодий, саноат ва илмий-техникавий ҳамкорлик бўйича ҳукуматлараро комиссия 9-йиғилишини тайёрлаш бўйича келишувга эришди.

Томонлар ўзаро манфаатли алоқаларни мустаҳкамлаш, сиёсий, савдо-иқтисодий ва маданий-гуманитар соҳалардаги ҳамкорликни фаоллаштириш муҳимлигини қайд этди.

Учрашув натижасида турли йўналишларда, жумладан, спорт, оммавий ахборот воситалари ва мудофаа соҳаларида ҳамкорликни кенгайтириш бўйича келишувга эришилди.