O‘zbekiston va Jazoir o‘zaro savdo uylarini ochish masalasini ko‘rib chiqadi

Uchrashuv davomida O‘zbekiston-Jazoir siyosiy muloqotini jadallashtirish, o‘zaro tashriflarni tashkil etish, maslahatlashuvlar o‘tkazish, parlamentlararo aloqalarni rivojlantirish, xalqaro institutlar doirasidagi hamkorlikni muvofiqlashtirish bo‘yicha takliflar ko‘rib chiqildi.

Savdo-iqtisodiy sohada mavjud salohiyatini ro‘yobga chiqarish bo‘yicha birgalikda chora-tadbirlar ko‘rish to‘g‘risida kelishuvga erishildi. O‘zbekistonda avtomobil va neft-gaz sanoati, AKT, to‘qimachilik, qishloq xo‘jaligi va boshqa sohalarda investitsiya loyihalarini amalga oshirishda Jazoir kompaniyalari ishtiroki to‘g‘risida fikr almashildi. Ikki mamlakat savdo-sanoat palatalari va biznes sub’yektlari o‘rtasida to‘g‘ridan to‘g‘ri aloqalarni qo‘llab-quvvatlash, o‘zaro asnoda savdo uylarini ochish masalasini ko‘rib chiqish muhimligi qayd etildi.

Jazoirdan O‘zbekistonga, xususan, dunyoga mashhur tarixiy Toshkent, Samarqand, Buxoro va Xiva shaharlariga sayyohlik oqimini oshirish uchun imkoniyatlar mavjudligi ta’kidlandi.

Bumedian Gennad 2015-2022 yillarda Jazoirning Toshkentdagi diplomatik missiyasiga rahbarlik qilgan Nosir Busherit o‘rnini egalladi.