Qashqadaryoda to‘rt balli zilzila sodir bo‘ldi

Zilzila kuchi Qashqadaryoning turli hududlarida 2 balldan 4 ballgacha sezilgan.

FVV Seysmoprognostik monitoring markazining xabar berishicha, O‘zbekiston hududida bugun, 2022 yil 17 noyabr kuni mahalliy vaqt bilan 19:40 da zilzila sodir bo‘ldi. Zilzila episentri Qashqadaryo viloyati, G‘uzor tumanida bo‘lgan.

Zilzila koordinatalari: 38,67 gradus shimoliy kenglik; 66,33 gradus sharqiy uzunlik. Magnituda M=3,8. Chuqurlik 20 kilometr. Zilzila episentri Toshkentdan 379 kilometr janubiy-g‘arbda.

Zilzilaning hududlarda sezilish kuchi:

G‘uzor tumanida 3-4 ball, 22 km.
Qamashi tumanida 3 ball, 40 km.
Dehqonobod tumanida 3 ball, 43 km.
Qarshi tumanida 2-3 ball, 48 km.
Yakkabog‘ tumanida 2-3 ball, 49 km.
Qarshi shahrida 2-3 ball, 51 km.
Chiroqchi tumanida 2-3 ball, 58 km.
Nishon tumanida 2 ball, 68 km.
Koson tumanida 2 ball, 73 km.
Shahrisabz tumanida 2 ball, 78 km.

Avvalroq, 2022 yil 15 noyabr kuni Samarqand viloyatida ham 4 balli zilzila kuzatilgan va uning kuchi Navoiy hamda Qashqadaryo hududida ham sezilgandi.