Qoʻshimcha funksionallar
-
Tungi ko‘rinish
Qashqadaryoda FVV xodimi daryoga tushib ketgan bolani qutqarib qoldi
Kitob tumanida FVV xodimi – mayor Husniddin Sharapov Qashqadaryo daryosiga tushib ketgan 9 yoshli bolani qutqarib qoldi. Bolaning ahvoli yaxshi ekani, uyida ekani ma’lum qilingan.
Qashqadaryo viloyatining Kitob tumanida FVV ofitseri daryoga tushib ketgan 9 yoshli bolani qutqarib qoldi. Bu haqda Favqulodda vaziyatlar vazirligi xabar berdi.
Ma’lum qilinishicha, hodisa 23 may kuni taxminan soat 17:00 larda tumanning Bog‘bon mahallasida sodir bo‘lgan. 9 yoshli bola velosiped minib ketayotganda muvozanatini yo‘qotib, Qashqadaryo daryosiga tushib ketgan.
Bolaning akasi atrofdagilarni yordamga chaqirgan. Shu vaqt daryo yaqinida yashovchi FVV xodimi – mayor Husniddin Sharapov bolalarning ovozini eshitib qolgan va zudlik bilan suvga sakrab, bolani qutqarib qolgan.
Hozirda bolaning ahvoli yaxshiligi aytilgan.
Ma’lumot uchun, mayor Husniddin Sharapov Kitob tumanidagi qutqaruv qismlaridan birida guruh komandiri lavozimida xizmat qiladi.
