Better Cotton Initiative O‘zbekistonda vakolatxona ochishni rejalashtiryapti

O‘zbekistonning Shvetsiyadagi muvaqqat ishlar vakili Nodir G‘aniyev Better Cotton Initiative xalqaro notijorat tashkiloti operatsion direktori Lena Staafgard bilan uchrashdi, deb xabar bermoqda “Dunyo”.

Foto: Dunyo

Muzokaralar chog‘ida Better Cotton Initiative tashkiloti O‘zbekiston bilan hamkorlikni rivojlantirish, mamlakat paxta-to‘qimachilik klasterlariga paxta yetishtirishni jahon andozalari darajasida tashkil etishga ko‘maklashish bo‘yicha rejalari muhokama qilindi.

Tomonlar ikki davlat o‘rtasidagi savdo-iqtisodiy hamkorlik bugungi holati, O‘zbekiston to‘qimachilik mahsulotlari Shvetsiyaga eksportini oshirish istiqbollari yuzasidan fikr almashdi.

Lena Staafgard Better Cotton Initiative tashkiloti o‘zbekistonlik hamkorlar bilan aloqalarni mustahkamlash maqsadida Toshkentda o‘z vakolatxonasini ochishni rejalashtirayotganini ma’lum qildi.