Donbassdagi ukrain tankchilari va Belarusga tushgan raketa. Urush suratlari

Ukrainada urushning 309-kuni o‘tdi. Asosiy ma’lumotlar:

• Rossiya Ukraina shaharlari bo‘ylab yoppa raketa zarbalari yo‘lladi. 282 ta aholi yashash manzili elektr energiyasisiz qolgan, Kiyevda uch kishi yaralangan, ulardan biri o‘smir yoshidagi qiz;
• Belarus mudofaa vazirligi Brest oblasti osmoni ustida Ukraina hududidan uchib kelgan S-300 raketa majmuasi raketasi havo hujumidan mudofaa kuchlari tomonidan urib tushirilganini ma’lum qildi;
• Bryansk va Saratov oblastlarida havo hujumidan mudofaa kuchlari dronlarni urib tushirgani ma’lum;
• Putin “DXR” va “LXR”, shuningdek annexia qilingan Xerson va Zaporijjya oblastlariga prokurorlar tayinladi;
• RF prezidenti yana bir qator yangi qonunlarni imzoladi. Ular orasida Georgiy lentasini harbiy shon-shuhrat ramziga tenglashtiruvchi hamda qo‘poruvchilik harakati uchun umrbod ozodlikdan mahrum etish to‘g‘risidagi qonunlar bor.

Ukraina shaharlari bo‘ylab zarbalar

29 dekabr kuni Rossiya yana bir bor Ukrainaning bir qancha oblastlari bo‘ylab zarbalar yo‘lladi. Ukraina qurolli kuchlari Bosh shtabi ma’lumotiga ko‘ra, ukrain shaharlariga jami 69 raketa uchirilgan (shundan 54 tasi urib tushirilgan). Mikolayiv oblasti rahbari Vitaliy Kimning so‘zlariga ko‘ra, raketalardan tashqari Eron dronlari bilan ham hujum qilingan.

Otishmalar chog‘ida Kiyev, Lviv, Xarkiv, Odessa va Ivano-Frankovsk oblastlaridagi binolar shikastlangan. Poytaxtda uch kishi yaralangan.

Odessada Yekaterina II yodgorligi snos qilinishi

29 dekabrga o‘tar kechasi Odessada shahar asoschilari yodgorligi buzib tashlandi. Kompozitsiyadagi asosiy figura Rossiya imperatritsasi Yekaterina II haykali edi. Yodgorlik 1900 yilda o‘rnatilgan, 20 yil o‘tib, sovetlar hokimiyatga kelganida uni olib tashlashgan. 2007 yilda monument Odessa markaziga qaytarilgan. Ammo uni yana olib tashlash masalasi tez-tez kun tartibiga chiqib turgan. 2022 yil 30 noyabrda baribir yodgorlikni olib tashlashga qaror qilishdi. Uni saqlash uchun Odessa milliy rassomchilik muzeyiga topshirishgan. Avvalroq olib tashlangan lashkarboshi Aleksandr Suvorovning haykali ham o‘sha muzeyga joylashtirilgan.

Xerson oblastida eksgumatsiya jarayoni 

Donbassdagi ukrain tankchilari

Rossiya Donetsk yo‘nalishida Baxmut va boshqa shahar hamda qishloqlarga yurish qilishda davom etmoqda. Harbiy ekspertlar fikricha, bu hujumlarni qishning sovuq kunlari ham to‘xtatishi dargumon. Shu bilan birga, harbiy sharhlovchi Yuriy Fedotovning aytishicha, RF armiyasi zarur zaxiralar va texnika yetishmovchiligi, shuningdek qo‘mondonlik layoqatsizligi tufayli jiddiy muvaffaqiyatlarga erisha olmaydi.
«Safarbarlik Ukraina kuchlarining Luhansk oblastidagi yurishini to‘xtatish, Baxmutga yurishni kuchaytirish imkonini berdi. Ha, Rossiya yana 150 ming kishini jangga tashlashi mumkin, ammo bu yerda shunchaki odamlar to‘dasini yuborish yaramaydi. Ularni jangovar birliklar, harbiy kollektivlarga aylantirish talab etiladi», — deb hisoblaydi Fedotov.

Front chizig‘idagi “DXR” jangchilari

Belarus hududiga tushgan raketa

 Ozod etilgan Xarkiv oblastida qish