Chexiya prezidenti: Ukrainaga o‘q-dorilar yetarli darajada yetkazib berilmayapti

Uning so‘zlariga ko‘ra, Ukraina qarshi hujumga o‘tishida zarur bo‘lgan snaryadlarning keskin tanqisligini boshdan kechirmoqda, deya xabar berdi České Noviny. Ukrainaga kerak bo‘lgan o‘q-dorilarning bir qismi an’anaviy ravishda sovet texnikasini sotib olgan mamlakatlarda saqlanadi, deya qo‘shimcha qildi u.

“O‘q-dorilarning jiddiy tanqisligi nafaqat Ukrainaning samarali mudofaa qobiliyatini, balki uning muvaffaqiyatli qarshi hujumni o‘tkazish qobiliyatini ham ma’lum darajada cheklaydi”, — deya Pavelning so‘zlaridan iqtibos keltirgan nashr. 

Chexiya prezidenti, shuningdek, ittifoqchilar Ukrainani samarali qurollar, jumladan, zamonaviy tanklar, lekin minimal miqdorda o‘q-dorilar bilan ta’minlayotganini ta’kidladi. 

Ukraina harbiylari, uning so‘zlariga ko‘ra, texnikani bir necha kungina joylashtirishi mumkin, keyin esa uni orqaga qaytarib olishlari kerak. "Aslida, bu ombor zaxirasiga aylanyapti. Bundan ma’no yo‘q", - deya xulosa qildi Pavel.