Kuala-Lumpur va Toshkent o‘rtasida yangi aviaqatnovlar yo‘lga qo‘yilishi mumkin

Batik Air aviakompaniyasi oktabr oyidan boshlab Kuala-Lumpur (Malayziya) va Toshkentni aviaqatnovlar bilan bog‘lashni rejalashtirmoqda.

Indoneziyaning Batik Air aviakompaniyasi 2023 yil oktabr oyidan boshlab, Kuala-Lumpur (Malayziya) va Toshkentni aviaqatnovlar bilan bog‘lashni rejalashtirmoqda.

Kuala-Lumpur — Toshkent — Kuala-Lumpur yo‘nalishi bo‘yicha muntazam parvozlar haftasiga uch martagacha Boeing 737 MAX 8 samolyotlarida amalga oshirilishi ko‘zda tutilgan.

Bu haqda aviakompaniya vakillari O‘zbekistonning Malayziyadagi elchixonasi, Transport vazirligi va Samarqand aeroporti boshqaruv kompaniyasi ko‘magida, Uzbekistan Airports bilan o‘tkazilgan muzokaralar chog‘ida ma’lum qilishdi.

Batik Air — bosh qarorgohi Jakartada joylashgan Indoneziya aviakompaniyasi bo‘lib, Indoneziyada muntazam yo‘lovchi reyslarini amalga oshiradi. Kompaniya Lion Air loukoster aviakompaniyasining shu’ba korxonasi hisoblanadi.