YeI davlatlari Rossiyaga qarshi 11-sanksiya paketi bo‘yicha kelishib oldi
U mavjud cheklovlarni chetlab o‘tishga qarshi kurashishga qaratilgan.
Yevropa Ittifoqiga a’zo davlatlar elchilari Rossiyaga qarshi sanksiyalarning 11-paketi bo‘yicha kelishib oldilar.
«Bugun YeI mamlakatlari elchilari Rossiyaga qarshi 11-sanksiya paketi bo‘yicha kelishib oldilar. Paket sanksiyalarni chetlab o‘tishga qarshi choralarni o‘z ichiga oladi», deyiladi Shvetsiyaning YeI vakilligi xabarida.
Yangi sanksiyalar ro‘yxatiga ukrainalik bolalarning noqonuniy deportatsiyasiga mas’ul bo‘lgan 70 kishi, rossiyalik harbiylarga yordam bergan 30 dan ortiq kompaniya kiritilgan.
Yangi sanksiyalar paketi 23 iyungacha yakunlanishi kutilmoqda, shundan so‘ng u YeI rasmiy jurnalida e’lon qilinadi.
Yevropa Ittifoqi sanksiyalarning o‘ninchi paketi Rossiya banklariga nisbatan cheklov choralari, Rossiyadan sintetik kauchuk va bitumni olib kirishni va Rossiya hududi orqali ikki maqsadli tovarlarning tranzitini taqiqlashni o‘z ichiga olgan edi.
Mavzuga oid
23:16 / 19.09.2024
Yevroparlament Maduroni hibsga olish uchun order berilishini talab qildi
19:08 / 17.09.2024
8 mingga yaqin o‘zbekistonlik Litvada yashash uchun ruxsatnoma olgani ma’lum bo‘ldi
22:31 / 12.09.2024
Vengriya Yevrokomissiyaga qarshi da’vo arizasini kiritishi mumkin
23:19 / 10.09.2024