Sirdaryo viloyati IIBda yangi tayinlovlar amalga oshirildi

Sirdaryo viloyati hokimligi viloyat IIBda yangi tayinlovlar amalga oshirilganini ma’lum qildi.

Podpolkovnik Oybek Abdullayev viloyat IIB boshlig‘i o‘rinbosari — jamoat xavfsizligi xizmati boshlig‘i lavozimida ish boshladi.

Abdullayev 2019 yildan buyon Sirdaryo viloyati Sirdaryo tumani bo‘yicha ichki ishlar organlari faoliyatini muvofiqlashtirish boshqarmasi boshlig‘i lavozimida ishlayotgandi.

Podpolkovnik Sherzod Abdunazarov viloyat IIB JXX boshlig‘i o‘rinbosari — Yo‘l harakati xavfsizligi boshqarmasi boshlig‘i lavozimiga tayinlandi.

Abdunazarov  bu lavozimda 2022 yil martidan buyon ishlab kelgan Sharof Islomov o‘rnini egalladi.

• Sirdaryo viloyat IIB boshlig‘ining jamoat tartibini saqlash bo‘yicha oldingi o‘rinbosari Umidjon Mavlanov prezidentning iyul oyi oxirida Farg‘ona viloyatiga tashrifi vaqtida o‘tkazilgan videoselektorida, «yoshlar bilan ishlashni o‘z holiga tashlab qo‘ygani» uchun lavozimidan ozod etilgandi.