Qurilish va uy-joy kommunal xo‘jaligi vaziriga yangi o‘rinbosar tayinlandi
Vazirlikda bo‘lim boshlig‘i lavozimida ishlab kelgan Toir Alimatov vazir o‘rinbosariga aylandi. U Buxoro viloyati hokimiga o‘rinbosar bo‘lib ketgan Jalol Arashov o‘rnini egalladi.
Toir Alimatov Qurilish va uy-joy kommunal xo‘jaligi vaziri o‘rinbosari etib tayinlandi. Bu haqda vazirlik matbuot xizmati xabar berdi.
Ma’lum qilinishicha, 2 sentabr kuni bu prezidentning tegishli qarori imzolangan.
Toir Namatullayevich Alimatov tayinlovga qadar Qurilish va uy-joy kommunal xo‘jaligi vazirligi bo‘lim boshlig‘i lavozimida ishlab kelgan.
O‘zbekiston mustaqilligining 32 yilligi munosabati bilan Toir Alimatov «Do‘stlik» ordeni bilan taqdirlangandi.
2022 yil iyunidan buyon Qurilish va uy-joy kommunal xo‘jaligi vaziri o‘rinbosari vazifasida ishlab kelgan Jalol Arashov 2023 yil avgustida Buxoro viloyati hokimining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari etib tayinlangandi.
Vazirning yana bir o‘rinbosari Davronjon Odilov esa «Yangi Toshkent» shahri qurilishi bo‘yicha direksiya direktori etib tayinlangandi.
Mavzuga oid
21:18 / 08.09.2024
Otabek Umarov Osiyo Olimpiya Kengashining mintaqaviy vitse-prezidenti bo‘ldi
19:01 / 03.09.2024
Prezident yig‘ilishida ishdan olingan Mingbuloq tumani hokimi yangi lavozimga tayinlandi
15:52 / 27.08.2024
To‘raqo‘rg‘on tumaniga yangi hokim tayinlandi
12:30 / 18.08.2024